नेपाल पत्रकार महासंघले कोरोनाविरूद्ध लडाइँमा खटिएका पत्रकारलाई नि:शुल्क उपचारको माग

✍️ बुद्धभूमि संवाददाता प्रकाशित मिति २८ बैशाख २०७८, मंगलवार १८:४९

काठमाडौं, वैशाख २८ नेपाल पत्रकार महासंघले कोरोनाविरूद्ध लडाइँमा खटिएका पत्रकारलाई नि:शुल्क उपचारको माग गरेको छ।

कोरोना महामारीबीच काम गरिरहेका पत्रकारलाई फ्रन्टलाइनर घोषणा गरी स्वास्थ्य र सुरक्षाका उचित प्रवन्ध गर्न महासंघले सरकारसँग माग गरेको अध्यक्ष विपुल पोख्रेलले बताए।

आज बसेको महासंघको दोस्रो केन्द्रीय समिति बैठकले पत्रकारलाई वीमा र इन्टरनेट सुविधा व्यवस्थापन गर्न पनि सरकारको ध्यानाकर्षण गराउने निर्णय गरेको छ।

आजको बैठकमा कोरोना भाइरसले पत्रकार तथा सञ्चार क्षेत्रमा पारेका प्रभाव तथा श्रमजिवी पत्रकारका समस्याबारे छलफल भएको थियो। अहिले पत्रकारको स्वास्थ्य र पेशागत सुरक्षा महत्वपूर्ण चुनौतीका रूपमा देखा परेको महासंघको निश्कर्ष छ।

सरकारले आगामी बजेटमा कोरोना संक्रमणबाट पीडित भएका पत्रकार तथा संकटग्रस्त सञ्चार माध्यमलाई राहतको प्याकेज उपलब्ध गराउनुपर्ने महासंघको माग छ।

कोरोना संक्रमितका लागि अस्पतालमा शय्यादेखि अक्सिजनलगायत सामग्रीको व्यवस्थापन गर्न पनि महासंघले सरकारलाई आग्रह गरेको छ।

महासंघका महासचिव रोशन पुरीले जारी गरेको विज्ञप्तिमा एम्बुलेन्सदेखि हेलिकोप्टरमा चर्को भाडा लिने गरेको गुनासो आएकोले त्यसतर्फ सरकारको ध्यानाकर्षणसमेत गरिएको उल्लेख छ।

अघिल्लो समाचार

पदमुक्तपछि स्वतन्त्र महसुस गरेको छु : शेरचन

अर्को समाचार

नेपाली कांग्रेसले नयाँ सरकार गठनका लागि जसपासँगै नेकपा एमालेको असन्तुष्ट पक्षको सहयोग खोज्ने

Comments

बुद्धभूमिमा वार्षिक समिक्षा , उत्कृष्ट काम भएको ठहर

१ भाद्र २०८०, शुक्रबार २१:०७

बुद्धभूमि । बुद्धभूमि नगरपालिका ले आर्थिक वर्ष २०७९र/०८० को निति कार्यक्रमको समिक्षा गरेको छ । नगरले गरेका बिकास निर्माण तथा अन्य कामहरुको वार्षिक समिक्षा एक कार्यक्रमका बिच गरेका हो ।नगरले आयोजना गरेको समिक्षा कार्यक्रममा विषयगत शाखा प्रमुखहरुले नगरभित्र भएका काम र उत्पन्न समस्या आगामी दिनमा सुधारका योजना समेत प्रस्तुत गरेका थिए । बुद्धभूमि नगरपालिकाका नगर […]