कपिलवस्तु ,
अनेरास्ववियु कपिलवस्तुले संगठन बिस्तार सङ्गै संगठन मजबुत बनाउने भएको छ । शनिबार सम्पन्न अनेरास्ववियु कपिलवस्तु जिल्ला सचिवालयको बैठकले हरेक पालिकाकामा संगठन बिस्तार गर्ने मिति तय गरेको छ । बैठकमा बोल्दै नेकपा एमालेका जिल्ला अध्यक्ष झविलाल पोख्रेलले पार्टीलाई बलियो रूपमा एक ढिक्काका साथ अगाडि बढाउनु पर्नेमा जोड दिनुभयो । यस्तै बैठकमा बोल्दै अनेरास्ववियुका केन्द्रीय सचिवालय सदस्य टुकलाल गैरेले सबैपार्टीमा आवद्ध भएका नेता कार्यकर्तालाई पार्टीका गतिबिधिमा सक्रिय सहभागिता जनाउन सुझाब दिनुभयो । अनेरास्ववियुका जिल्ला अध्यक्ष बाबुराम अर्यालको अध्यक्षतामा बैठक सम्पन्न भएको थियो ।
