कपिलवस्तु : नेकपा एमालेले बुद्धभूमि नगरपालिका वडा नं.५ को प्रतिवद्धता पत्र सार्वजनिक गरेको छ । ‘समृद्ध वडा, सुखी वडावासीको लागी सुर्य चिन्हमा मतदान गरौं’ भन्ने मूल नाराका साथ एमाले प्रतिवद्धता पत्र सार्वजनिक गरेको हो ।
प्रतिवद्धता पत्रमा सुशासन अभिवृद्धि र भ्रष्टचार नियन्त्रण गर्ने, वडाबाट प्रदान गर्ने सेवा चुस्त र दुरुस्त गर्ने एवम् वडालाई नमुना वडाको रुपमा विकास गर्ने योजना अघि सारिएको छ । यस्तै शिक्षा, स्वास्थ्य, खानेपानी, व्यवसायिक कृषि, विद्युत, वातारण संरक्षण, खेलकुद लगायत विकासका सम्पूर्ण आधारलाई उक्त प्रतिवद्धता पत्रमा समेट्ने प्रयास गरिएको छ ।
