चेतन विष्ट, कपिलवस्तु ।
कपिलवस्तु जिल्लाको महाराजगंज नगरपालिका २ पडरीयामा कुटपीट बाट एक ब्यक्तिको मृत्यु भएको छ । सिचाई गर्ने कुलोको विषयमा झगडा हुँदा सोेही ठाउँ निवासी ६८ वर्षीय अब्दुल जब्बार धुनियाको मृत्यु भएको हो ।
सोही ठाउँका ६३ वर्षीय अब्दुल हक मुसलमान र निजका २० छोरा सम्साद मुसलमानको कुटपीट बाट गम्भिर घाइते भएका धुनियालाई उपचारको लागी जिल्ला अस्पताल तौलिहवामा लगीएकोमा उपचारको क्रममा मृत्यु भएको जिल्ला प्रहरी कार्यालय कपिलवस्तुले जनाएको छ । कुटपिट गर्ने दुबै बाबु छोरा लाई नियन्त्रणमा लिई थप अनुसन्धान गरीरहेको प्रहरीले जनाएको छ ।
