उज्यालो आवाज, बाणगंगा ।
कपिलवस्तुको बाणगंगामा मोटरसाइकल दुर्घटनामा एकको मृत्यु भएको छ । कोइली बनगाइमा आइतबार दिउँसो दुई मोटरसाइकल एक आपसमा ठोक्किएका थिए ।
दुर्घटनामा अर्घाखाँची जिल्लाको भुमिकास्थान नगरपालिका वडा नम्बर ४ धारापानि साना औवलका ४५ बर्षिय कृष्ण बहादुर खत्रीको मृत्यु भएको छ।
बिहान करिब ११ ३० बजेको समयमा पुर्वपश्चिम राजमार्ग कपिलबस्तुको कोइली बनगाई नजिकै बुटवल बाट पश्चिम तर्फ आईरहेको मोटरसाइकल र पश्चिम अर्घाखाँची बाट पुर्व तर्फ गईरहेको लु ६प ९८९० नम्बरको मोटरसाइकल एक आपसमा ठोक्किँएका थिए । दुर्घटनामा गम्भीर घाइते कृष्ण बहादुर खत्रीको बुटवल अस्पतालमा उपचारको क्रममा मृत्यु भएको इलाका प्रहरी कार्यलय पिपराले जनाएको छ ।
मृतक कृष्ण बहादुर खत्री लामो समयदेखि धारापानी स्वास्थ्य चौकीमा कार्यरत रहेको बुझिएको छ। यस्तै ठक्कर दिने मोटरसाइकल चालक अर्घाखाँची जिल्लाको सन्धिखर्क नगरपालिका वडा नम्बर ८ पकलेका इश्वरी थापा रहेको प्रहरीले जानकारी दिएको छ। मोटरसाइकल चालक इश्वरी थापाका दुई वटा हात भाच्चीएको र उनको उपचार भैरहेको छ । दुर्घटना बारे थप अनुसन्धान भैरहेको प्रहरीले जनाएको छ ।
