कपिलवस्तु ।
नेपाल आयुर्वेद औषधी व्यावसायी संघ जिल्ला समिति कपिलवस्तुको अध्यक्षमा गोपाल बन्जाडे चयन हुनुभएको छ कपिलवस्तुको चारनम्बरमा भएको साधारणसभा तथा दोस्रो अधिवेशन बाट बन्जाडेको अध्यक्षतामा सात सदस्यीय समिति चयन गरेको हो । जसको उपाध्यक्षमा मतिराज घिमिरे , सचिवमा शान्तराज गैरे (सन्तोष), कोषाध्यक्षमा शान्ता भण्डारी पोखरेल त्यसैगरी सदस्यहरुमा दिनेश चौधरी र सुरेन्द्र प्रसाद पाण्डे चयन हुनुभएको छ । बाँकी रहेको एक जना पछी मनोनयन गर्ने निर्णय भएको अध्यक्ष बन्जाडेले बताउनु भएको छ ।
लुम्बिनी प्रदेश स्वास्थ्य मन्त्रालय प्रवक्ता डाक्टर पुष्पराज पौडेलको प्रमुख आथित्यता, नेपाल आयुर्वेद स्वास्थ्यकर्मी समाज जिल्ला शाखाका मोहन गौतम, पकडी आयुर्वेद औषधालयका सुधाकर त्रिपाठी लगायतको आथित्यतामा कार्यक्रम सम्पन्न भएको छ ।
कार्यक्रममा प्रमुख अतिथि डाक्टर पुष्पराज पौडेलले आयुर्वेद औषधी व्यावसायीहरु आफ्नो विधि बिधानमा रहेर काम गरेमा असल समाज निर्माण गर्ने कार्यमा सहयोग हुने बताउनुभयो । आयुर्वेद औषधी कोरोना कालपछि आम जनताले प्रत्यक्ष रुपमा प्रयोग गर्दा आयुर्वेदको शक्ति देखिएको बताउदै सरकारले पनि निजी क्षेत्रमा सेवा दिईरहेका व्यावसायीलाई विभिन्न ठाउँमा तालिम गोष्ठीको आयोजना गरि पछिल्लो समयमा आयुर्वेद चिकित्सा पद्धतिमा भएका ऐन,नियमका बारेमा निजी क्षेत्रमा कार्यरत औषधी व्यावसायीलाई सहभागी गराउने योजना रहेको बताउनुभयो । यो चिकित्सा विधि ब्यावसाय सगसगै सेवामूलक व्यावसाय भएकोले सामाजिक उत्तरदायित्व सहितको व्यावसाय गर्न सबैलाई आग्रह गर्नुभयो ।
कार्यक्रममा नेपाल आयुर्वेद स्वास्थ्यकर्मी समाजका जिल्ला अध्यक्ष मोहन गौतमले निजी क्षेत्र र सरकारी क्षेत्र मिलेर मात्रै आयुर्वेद क्षेत्रको बिकास गर्न सकिने भएकोले सोही अनुसारको कार्य गर्न सरोकारवाला सबैलाई अनुरोध गर्नुभयो । कार्यक्रममा निबर्तमान कोषाध्यक्ष सन्तोष गैरेले स्वागत ,उपाध्यक्ष मतिराज घिमिरेले धन्यवाद ज्ञापन गर्नुभयो । कार्यक्रमको अध्यक्षता जिल्ला अध्यक्ष गोपाल बन्जाडेले गर्नुभएको थियोे भने कार्यक्रमको संचालन दिपक पन्थीले गर्नुभएको थियो ।
कार्यसमितिको पहिलो पुर्ण बैठक सम्पन्न ,तीन सदस्यीय सल्लाहकार समिति गठन, सल्लाहकार समितिको संयोजक मोहन गौतम ,सदस्य दिपक पन्थी र सदस्य नाथुराम चौधरी दोस्रो अधिवेशनरनिर्वाचन सम्पन्न गर्न सहयोग गर्ने निर्वाचन समिति तथा सहयोगी सबैलाई हार्दिक धन्यवाद दिने निर्णय गरिएको जिल्ला सचिव शान्तराज गैरेले जानकारी दिनुभयो ।
