बुद्धभूमि।
कपिलवस्तुको बुद्धभूमि नगरपालिका २ गोरुसिंगेमा अवस्थित पारिजात पब्लिक स्कुल नगरकै अब्बल विद्यालय रहेको बुद्धभूमि नगरपालिका शिक्षा, युवा तथा खेलकुद शाखा प्रमुख कृष्ण भट्टराईले बताउनु भयो।
स्कुलले आयोजना गरेको स्वागत एवं अभिमुखीकरण कार्यक्रममा प्रमुख अतिथि रहनुभएका भट्टराईले हुने विरुवाको चिल्लो पात भनेझै यस विद्यालयले सुरुवाती चरणदेखि नै उत्कृष्ट साथ नतिजा ल्याउन सफल विद्यालयले हालै प्रकासित कक्षा १० को नतिजा उत्कृष्ट ल्याउन सफल भएको र कक्षा ११ मा पनि विद्यालयले नगरको गरिमा बढाउनेमा आफु विश्वत रहेको बताउनुभयो।
उहाँले विद्यालयको व्यवस्थापकीय काम नै उत्कृष्ट रहेकाले विद्यालयको शैक्षिक गुणस्तरमा कमि हुन् नदिने बताउदै कक्षा ११ मा भर्ना हुने विद्यार्थीललाई स्वागत समेत गर्नुभयो। उहाँले विद्यालयले आफ्नो शैक्षिक गुणस्तरमा सधैभर ख्याल गर्न समेत सुझाव दिनुभयो।
