कपिलवस्तु । कपिलवस्तुको पूर्वपश्चिम राजमार्गको खारखानीमा बसको ठक्करबाट १० वटा छाडा चौपयाको मृत्यु भएको छ ।
काठमाडौंबाट दाङ जादै गरेको यात्रुबाहक बसको ठक्करले ५ वटा गाई र ५ वटा गोरुको मृत्यु भएको जिल्ला ट्राफिक प्रहरी कार्यालय कपिलवस्तुका प्रहरी नायव निरिक्षक योगेन्द्र तिमिल्सिनाले बताउनुभयो ।
बुद्धभूमि र बाणगंगा नगरपालिकाको सिमामा भएको घटनामा ४ वटा गाईगोरु घाइते भएको इलाका प्रहरी कार्यालय गोरुसिङ्गेले जनाएको छ । मृत्यु भएका गाईगोरुलाई बुद्धभूमि नगरपालिकाको सहयोगमा गाड्ने तयारी भएको प्रहरीले जनाएको छ ।
